Валеру Стралко — 80!

Валер Стралко, фота Радыё Свабода

Валер Стралко — сябра ГА “Саюз беларускіх пісьменнікаў”, вядомы шматлікімі перакладамі беларускай літаратуры на ўкраінскую мову і наадварот. Сярод перакладзеных ім беларускіх аўтараў — Максім Багдановіч, Янка Купала, Якуб Колас, Васіль Быкаў, Уладзімір Караткевіч ды інш.

У 2003 г. узнагароджаны Міжнароднай літаратурнай прэміяй імя Івана Франко за пераклады на беларускую мову твораў Тараса Шаўчэнкі, Лесі Украінкі, Івана Франко і сучасных украінскіх аўтараў, а таксама літаратурнай прэміяй імя Кандрата Крапівы за пераклад паэмы “Тарас на Парнасе” на ўкраінскую мову.

У 2006 г. узнагароджаны Нацыянальнай суполкай пісьменнікаў Украіны медалём "Ганаровая адзнака" за істотны ўнёсак у адраджэнне духоўнасці і асабістыя дасягненні ў літаратурнай творчасці.

У 2013 г. стаў лаўрэатам Міжнароднай літаратурна-мастацкай прэміяй імя Грыгорыя Скаварады за вялікую падзвіжніцкую працу з мэтай збліжэння ўкраінскай і беларускай літаратур.


Рада і Сакратарыят ГА "Саюз беларускіх пісьменнікаў" шчыра віншуе Валера Васільевіча Стралко з 80-годдзем і зычыць моцнага здароўя, даўгалецця, натхнення на новыя пераклады!


Прэс-служба ГА "Саюз беларускіх пісьменнікаў"