1 верасня – ўрачыстае адкрыццё кнігарні "ГАЛІЯФЫ"

1 верасня ў памяшканні галерэі “Падземка” адчыніцца новая кнігарня “Галіяфы”. У імпрэзе бяруць удзел літаратары: Зміцер Вішнёў, Уладзімір Гніламёдаў, Ігар Жаўткоў, Вольга Гапеева, Зміцер Плян, Ярыла Пшанічны, Серж Мінскевіч, Віктар Жыбуль, Вера Бурлак, Сяргей Календа, Віка Трэнас, Аляксей Талстоў.

Музыка: ULADZISLAU BUBEN

Пачатак у 18:00.

Адрас: пр-т Незалежнасці, 43

Наведнікаў урачыстай імпрэзы чакаюць падарункі і сюрпрызы!


З верасня будуць павялічаныя не толькі паліцы, адведзеныя пад літаратуру ў галерэі "Падземка", але будуць адноўленыя аўтограф-сесіі. Сваю папряэднюю згоду далі такія літаратары, як Віка Трэнас, Вольга Гапеева, Арцём Кавалеўскі, Зміцер Плян, Сяргей Календа, Віктар Лупасін (ЫВАНОЎ), Сяржук Мінскевіч.

Кожны панядзелак літаратурнае аб’яднанне “Вобла”, выдавецтва “Галіяфы і галерэя “Падземка” ЗАПРАШАЮЦЬ!

Літаратурнае аб’яднанне “Вобла” пры выдавецтве “Галіяфы” нарадзілася летам мінулага года і ў кароткі тэрмін паспела прыцягнуць да сябе ўвагу як літаратараў-пачаткоўцаў, так і вядомых беларускіх творцаў. На паседжаннях “Воблы” прэзентавалі свае творы Адам Глобус, Уладзімір Арлоў, Зміцер Вішнёў, Уладзімір Гніламёдаў, Альгерд Бахарэвіч, Вольга Гапеева, Арцём Кавалеўскі, Сяргей Календа, швейцарскі пісьменнік Роланд Райхен ды інш.

“Вобла” – вольная публічная прастора для маладых і ўжо вядомых “літаратурных рыбін”, тут кожны можа падзяліцца з прысутнымі сваімі думкамі і тэкстамі незважаючы на ўзрост, рэгаліі і званні. “Вобла” – гэта майстэрня, дзе нараджаюцца новыя імёны беларускай літаратуры XXI стагоддзя. Аб’яднанне імкнецца падтрымаць першыя крокі маладых аўтараў і дапамагчы раскрыць іх творчы патэнцыял.

З гэтай мэтай “Вобла” распачынае пошук маладых амбітных людзей: празаікаў, паэтаў, крытыкаў, эсэістаў, перакладнікаў – каб зладзіць для іх майстар-класы з удзелам вядомых беларускіх літаратараў. Майстар-класы – гэта творчыя дыялогі, падчас якіх вядомыя аўтары будуць не толькі прэзентаваць свае новыя творы, але і браць удзел у абмеркаванні творчасці маладых, дзяліцца сваім досведам і дапамагаць пазбавіцца хібаў, уласцівых тым, хто толькі пачынае свой творчы шлях.

У бліжэйшы час сваімі творамі і думкамі з аўтарамі-пачаткоўцамі падзеляцца:
6 верасня – Юрась Пацюпа
13 верасня – Анатоль Івашчанка
20 верасня – Валянцін Акудовіч
27 верасня – Уладзімір Арлоў

Кожны панядзелак літаратурнае аб’яднанне “Вобла”, выдавецтва “Галіяфы” і галерэя “Падземка” запрашаюць творчую моладзь наведаць літаратурныя баталіі (пр. Незалежнасці, 43).

zmij-vish.livejournal.com