Вользе Бабковай — 60!

Вольга Бабкова нарадзілася ў Мінску 27 лютага 1961 года. Скончыла СШ №80, пасля – Беларускі дзяржаўны універсітэт (гістарычнае аддзяленне).

Гісторык-архівіст, літаратар. Працуе кіраўніком літаратурна-драматургічнай часткі Нацыянальнага акадэмічнага тэатру імя Янкі Купалы і архівістам Нацыянальнага гістарычнага архіву Беларусі. Аўтарка некалькіх апавяданняў, шэрагу навуковых артыкулаў і эсэ.

Лаўрэатка літаратурнай прэміі імя Францішка Багушэвіча (2010).

Аўтарка кнігі эсэ з гісторыі штодзённасьці ВКЛ «...І цуды, і страхі» (Менск, 2010). Адна з укладальніц зборніка дакументаў «Тастамэнты шляхты і мяшчанаў Беларусі другой паловы XVI ст.» (Менск, 2012).

Сябра ГА "Саюз беларускіх пісьменнікаў" і Беларускага ПЭН-цэнтру. Жыве ў Мінску.

Рада і Сакратарыят ГА "Саюз беларускіх пісьменнікаў" шчыра віншуюць спадарыню Вольгу Бабкову з нагоды юбілею, зычаць моцнага здароўя, бадзёрага настрою, плёну ў працы і ўдзячных чытачоў!


Прэс-служба ГА "Саюз беларускіх пісьменнікаў"