Навіны
Дата публікацыі: 20.02.2020
9216
20 лютага анансаваныя замежныя і беларускія хэдлайнеры фестывалю інтэлектуальнай кнігі “Pradmova”, а таксама прыадкрытыя некаторыя таямніцы праграмы. Фестываль пройдзе трэці раз 2-5 красавіка ў Мінску ў прасторы ОК16 і прадставіць некалькі дзясяткаў падзей, прысвечаных розным жанрам мастацтва, паяднаных тэмай кнігі.
Хто ўдзельнікі?Януш Вішнеўскі, папулярны польскі аўтар завітае на фестываль, каб прэзентаваць працяг сусветна вядомага рамана “Адзінота ў сеціве”. Кніга называецца “Канец адзіноты” і выйшла ў выдавецтве “Янушкевіч” на беларускай мове.
Лінор Гаралік, ізраільская рускамоўная пісьменніца і перакладчыца, фіналістка прэміі “Большая книга”. А яшчэ Лінор Гаралік аўтарка тых самых коміксаў “Заяц ПЦ и его воображаемые друзья”. На фестывалі будзе выстава коміксаў, а таксама запланавана дыскусія разам з Віктарам Марціновічам на тэму постапакаліптычных раманаў.
Канстанцін Дарашэнка, украінскі арт-крытык, куратар сучаснага мастацтва і медыяменеджар прэзентуе сваю фотакнігу і распавядзе пра сучаснае постмайданнае мастацтва Украіны.
Міхаіл Мінакоў, гісторык, філосаф і палітолаг прэзентуе свае кнігі “История опыта” і “Диалектика современности в Восточной Европе”, а таксама часопіс "Идеология и политика". Міхаіл будзе адным з удзельнікаў міжнароднай дыскусіі пра стан гуманітарных навук на постсавецкай прасторы.
З замежжа на фестываль завітаюць некалькі майстраў паэтычнага слова: латвійскі паэт Сямён Ханін прэзентуе кнігу вершаў “Хоць не тым” у перакладзе на беларускую, расійскі аўтар Андрэй Сэн-Сянькоў прэзентуе зборнік “Лёгкі як атлетыка” (таксама па-беларуску), сваімі выступамі парадуюць харвацкія паэты – Жарка Яванаўскі і Сініша Матасавіч.
У беларускіх хэдлайнерах гэтага году – Альгерд Бахарэвіч, Віктар Марціновіч, Ганна Севярынец, Людміла Рублеўская, Таццяна Заміроўская і Святлана Алексіевіч.
Які слоган фестываля?У гэтым годзе Беларусь святкуе 90-гадовы юбілей славутага пісьменніка Уладзіміра Караткевіча, таму натхненне на складанне слогана арганізатары шукалі менавіта ў яго творчасці. “Не трэба шмат, каб пачаць” – інтэрпрэтацыя цытаты Караткевіча, якая, па меркаванні арганізатараў, дапаўняе назву і змест фестываля.
Што яшчэ будзе?На фестывалі ў Мінску будуць уручаныя некалькі літаратурных прэмій: прэмія імя Наталіі Арсенневай за найлепшую паэтычную кнігу, прэмія Міхала Анемпадыстава за найлепшы дызайн кніжнай вокладкі, прэмія “Гліняны Велес”. Яшчэ адбудзецца вечарына з нагоды 10-годдзя прэміі “Дэбют” імя Максіма Багдановіча з удзелам пераможцаў і шорт-лістараў прэміі. Чакаюцца калабарацыі з іншымі мастацкімі праектамі: паэтычным шоў “Эшафот”, фотапраектам “Змена”, конкурсам і выставай “Арт-Прадмова”, выставай сучаснай літоўскай кніжнай ілюстрацыі і інш.
З суботы на нядзелю (4-5 красавіка) плануецца “Ноч кнігі” – частка праграмы, дзе выступоўцы спалучаюць літаратуру з іншым відам мастацтва. Адбудуцца меладэкламацыі беларускіх аўтараў і выступ музычнага праекта Tochka K.
Падчас фестывалю будзе працаваць кніжны кірмаш: свае навінкі і найлепшыя кнігі прадставяць выдавецтвы “Логвінаў”, “Галіяфы”, “Янушкевіч”, “Суродзічы”, ARCHE, “Лімарыюс”, “Коска”, “Тэхналогія”, “Эканомпрэс”, “Лімарыюс”, “Макбел”, выдаўцы Раман Цымбераў, Зміцер Колас і іншыя беларускія, расійскія і ўкраінскія выдавецтвы інтэлектуальнай кнігі.
Рэгіянальныя імпрэзы “Pradmova”Арганізатары нагадалі, што фестываль “Pradmova” адбудзецца не толькі ў Мінску, а яшчэ і ў рэгіёнах Беларусі: у Віцебску (22 лютага), Брэст (29 лютага), Гродна (7 сакавіка) і ў горадзе, які вызначыцца народным галасаваннем у сацсетках (14 сакавіка). Пакуль у лідарах – Бабруйск, галасаванне скончыцца 22 лютага. Таксама да 22 лютага ўключна прымаюцца заяўкі на ўдзел у фестывалі.
Партнёры фестывалюФестываль адбываецца ў партнёрстве з Беларускім ПЭН-цэнтрам, пры падтрымцы кампаніі “Andersen”, Саюза беларускіх пісьменнікаў, Беларускага саюза мастакоў, Беларускага саюза дызайнераў, Нацыянальнага акадэмічнага тэатра ім. Я. Купалы, ОК16, Лятучага ўніверсітэта, Беларускай філасофскай прасторы, Еўрапейскага каледжа Liberal Arts у Беларусі (ECLAB), ПК ААА “Макбел”, Амбасады Літвы, Амбасады Латвіі, Амбасады Украіны, вядомых айчынных выдавецтваў і прыватных адукацыйных ініцыятыў.
Паводле прэс-рэлізу
[TypeError] count(): Argument #1 ($value) must be of type Countable|array, bool given (0) /mnt/extra_volume/ibwm/www/bitrix/templates/ibwm/components/bitrix/news/news/bitrix/news.detail/.default/template.php:50 #0: include /mnt/extra_volume/ibwm/www/bitrix/modules/main/classes/general/component_template.php:790 #1: CBitrixComponentTemplate->__IncludePHPTemplate /mnt/extra_volume/ibwm/www/bitrix/modules/main/classes/general/component_template.php:885 #2: CBitrixComponentTemplate->IncludeTemplate /mnt/extra_volume/ibwm/www/bitrix/modules/main/classes/general/component.php:784 #3: CBitrixComponent->showComponentTemplate /mnt/extra_volume/ibwm/www/bitrix/modules/main/classes/general/component.php:724 #4: CBitrixComponent->includeComponentTemplate /mnt/extra_volume/ibwm/www/bitrix/components/bitrix/news.detail/component.php:515 #5: include(string) /mnt/extra_volume/ibwm/www/bitrix/modules/main/classes/general/component.php:615 #6: CBitrixComponent->__includeComponent /mnt/extra_volume/ibwm/www/bitrix/modules/main/classes/general/component.php:692 #7: CBitrixComponent->includeComponent /mnt/extra_volume/ibwm/www/bitrix/modules/main/classes/general/main.php:1195 #8: CAllMain->IncludeComponent /mnt/extra_volume/ibwm/www/bitrix/templates/ibwm/components/bitrix/news/news/detail.php:16 #9: include(string) /mnt/extra_volume/ibwm/www/bitrix/modules/main/classes/general/component_template.php:790 #10: CBitrixComponentTemplate->__IncludePHPTemplate /mnt/extra_volume/ibwm/www/bitrix/modules/main/classes/general/component_template.php:885 #11: CBitrixComponentTemplate->IncludeTemplate /mnt/extra_volume/ibwm/www/bitrix/modules/main/classes/general/component.php:784 #12: CBitrixComponent->showComponentTemplate /mnt/extra_volume/ibwm/www/bitrix/modules/main/classes/general/component.php:724 #13: CBitrixComponent->includeComponentTemplate /mnt/extra_volume/ibwm/www/bitrix/components/bitrix/news/component.php:336 #14: include(string) /mnt/extra_volume/ibwm/www/bitrix/modules/main/classes/general/component.php:615 #15: CBitrixComponent->__includeComponent /mnt/extra_volume/ibwm/www/bitrix/modules/main/classes/general/component.php:692 #16: CBitrixComponent->includeComponent /mnt/extra_volume/ibwm/www/bitrix/modules/main/classes/general/main.php:1195 #17: CAllMain->IncludeComponent /mnt/extra_volume/ibwm/www/news/index.php:107 #18: include_once(string) /mnt/extra_volume/ibwm/www/bitrix/modules/main/include/urlrewrite.php:184 #19: include_once(string) /mnt/extra_volume/ibwm/www/bitrix/urlrewrite.php:2 ----------