Прэзентацыя кнігі Міхася Зізюка

Дата публікацыі: 14.12.2015

3359

Спадарства! Вы ведаеце, як трапіць на Кудыкіну гору?

Калі не ведаеце, то прыходзьце на прэзентацыю кнігі пра звычайнага хлопчыка Янку, які праз цікавыя прыгоды даведваецца пра розныя рэчы ў свеце. Усе гэтыя падзеі запісаў Міхась Зізюк, які і прадставіць сваю кнігу і для маленькіх чытачоў, і для тых, хто яшчэ сам застаўся крышачку дзіцяці.

Падчас свайго ўтульнага творчага вечара пісьменнік распавядзе, што цікавага адбылося ў Янкі, Шмурдзіка, Бухматкі ды іншых. Таксама будуць песні і чытанні.

Варта адзначыць, што некаторыя грошы на выданне кнігі былі сабраныя праз краўдфандынг. На імпрэзе людзі, якія ахвяравалі на карысць “Янкі, Шмурдзіка, Бухматкі і іншых” атрымаюць падарункі і падзяку.

Бярыце дзетак і прыходзьце самі на прэзентацыю добрай і захапляльнай кнігі. Яна адбудзецца ў сераду 23 снежня а 19 гадзіне ў кнігарні “Галіяфы” па вул. Старавіленская, 6.

Паводле прэс-рэлізу