Гронская Вольга Чаславаўна

Гронская Вольга Чаславаўна

Гронская Вольга Чаславаўна

Гронская Вольга Чаславаўна

Паэтка, перакладае з нямецкай мовы.

Нарадзілася 10 чэрвеня 1978 года ў г.п. Крывічы Мядзельскага р-на Мінскай вобл. Скончыла Крывіцкую сярэднюю школу (1995), рамана-германскае аддзяленне філалагічнага факультэта Беларускага дзяржаўнага ўніверсітэта (2000) і аспірантуру пры ім (2003). У 2004 г. абараніла кандыдацкую дысертацыю на тэму “Хранатоп прозы Інгеборг Бахман”. Выкладае сусветную літаратуру ў Беларускім дзяржаўным універсітэце культуры і мастацтваў, дзе курыруе таксама працу кафедральнага літаратурна-творчага аб’яднання “БУКет”.

Пераклады прозы і паэзіі розных аўтараў з’яўляліся ў часопісах “Крыніца”, “ARCHE”, у інтэрнэт-часопісе перакладной літаратуры “ПрайдзіСвет”. У 2012 г. удзельнічала ў дзейнасці нямецка-беларускай перакладчыцкай майстэрні.

Бібліяграфія

Дэбютавала ў часопісе “Першацвет” у 1996 г. пад дзявочым прозвішчам Гурло. Публікавалася таксама пад псеўданімам Гурская (у часопісе “ARCHE”). Вершы друкаваліся ў часопісах “Першацвет”, “Маладосць”, газеце “ЛіМ”, зборніку “Дар зямны”, гучалі ў праекце “Чорна-белыя вершы”. В. Гронская двойчы перамагала на “Фестывалі аднаго верша” (2011 і 2012 гг.). У 2013 выйшла першая паэтычная кніжка В. Гронскай “АдВольная міфалогія”. 

Асабістыя старонкі сяброў СБП

Паказаць увесь спіс