Мазько Андрэй Іванавіч

Андрэй Іванавіч Мазько. Паэт. Нарадзіўся 20.03. 1955 у вёсцы Упірава Іванаўскага раёна Брэсцкай вобласці.

Выхоўваўся і вучыўся ў Гарадзецкай, Жабінкоўскай, Пружанскай школах-інтэрнатах. У 1977 годзе закончыў з адзнакай Беларускі інстытут механізацыі сельскай гаспадаркі ў Мінску і да 1982 года працаваў галоўным інжынерам калгаса "Кастрычнік" Іванаўскага раёна.

Без адрыву ад вытворчасці завяршыў вучобу ў аспірантуры БІМСГ. Закончыў Акадэмію кіравання пры Прэзідэнце Рэспублікі Беларусь.

Узначальваў аддзел па эканоміцы і рынкавых адносінах, упраўленне гарадской гаспадаркі, працаваў начальнікам упраўлення жыллёва-камунальнай гаспадаркі, будаўніцтва і архітэктуры Іванаўскага райвыканкама.

У 2001 годзе прыняты ў ГА "Саюз беларускіх пісьменнікаў".

Друкаваўся ў часопісах "Полымя", "Маладосць", "Вожык", "Беларусь", "Крыніца", "Родная прырода", штотыднёвіку "Літаратура і мастацтва", а таксама іншых рэспубліканскіх і абласных газетах.

Бібліяграфія

Аўтарскія кнігі:

"Жывы калодзеж" (Вершы), 1999;

"Дні і ночы мае..." (Вершы), 2003.

Удзел у калектыўных зборніках:

"Дзядзінец" (1999)

"Добрыя словы кажыце" (2000)