Рагойша Вячаслаў Пятровіч

Рагойша Вячаслаў Пятровіч

Рагойша Вячаслаў Пятровіч

Рагойша Вячаслаў Пятровіч

Рагойша Вячаслаў Пятровіч нарадзіўся 05.06.1942 г. у вёсцы Ракаў Валожынскага раёна Менскай вобласці ў сялянскай сям'і. У 1963 г. скончыў аддзяленне беларускай мовы і літаратуры філалагічнага факультэта Беларускага дзяржаўнага ўніверсітэта і быў пакінуты ў аспірантуры на кафедры беларускай літаратуры.

Першыя вершы і допісы апублікаваў у радашковіцкай раённай газеце «Сцяг Ільіча» ў 1957 г. З 1961 г. выступае ў друку з літаратуразнаўчымі і крытычнымі артыкуламі.

Цяпер доктар філалагічных навук, прафесар, загадчык кафедры тэорыі літаратуры Беларускага дзяржаўнага ўніверсітэта, акадэмік Міжнароднай акадэміі навук Еўразіі, сябра вучонай рады філалагічнага факультэта БДУ і вучонай рады Нацыянальнага навукова-асветніцкага цэнтра імя Ф. Скарыны пры міністэрстве адукацыі, старшыня Міжнароднага фонду Янкі Купалы (з 1996 году). 

Вячаслаў Рагойша - аўтар звыш 800 навуковых публікацый і даследаванняў па гiсторыi i тэорыi беларускай лiтаратуры, беларуска-славянскiх лiтаратурных узаемасувязяў, па вершазнаўстве, праблемах тэорыi i практыкi мастацкага перакладу, паэтыцы лiтаратурнага твора, з якiх амаль 300 — асноўныя навуковыя працы, у тым лiку 16 манаграфiй. Першым дасканала даследваў рукапісы Янкі Купалы і знайшоў падчас гэтай працы дзясятак новых твораў беларускага класіка.

Сябра СП СССР з 1969 г.

Бібліяграфія

«Паэтыка Максіма Танка». 1968 г.

«Праца кафедры беларускай літаратуры БДУ». Складанне бібліяграфічнага даведніка. 1968 г.

«Пераклаў Якуб Колас...». 1972 г.

«Карані дружбы: Беларуска-ўкраінскія літаратурныя ўзаемасувязі пачатку XX ст.» (з Т.Кабржыцкай). 1976 г.

«І нясе яна дар...: Беларуская паэзія на рускай і ўкраінскай мовах». 1977 г.

«Гутаркі пра верш: Метрыка. Рытміка. Фоніка». 1979 г.

«Проблема перевода с близкородственных языков: Белорусско-русско-украинский поэтический взаимоперевод». 1980 г.

«Цені забытых продкаў». Пераклад на беларускую мову аповесці М.Кацюбінскага. 1980 г.

«Напісана рукой Купалы: Архіўныя знаходкі». 1981 г.

«Кантакты». 1982 г.

«А хто там ідзе?». Складанне кнігі Я.Купалы на мовах свету (з Я.Раманоўскай). 1983 г.

«Твая зара». Пераклад на беларускую мову рамана А.Ганчара. 1985 г.

«Лісты ў будучыню». Складанне зборніка твораў С.Палуяна (з Т.Кабржыцкай). 1986 г.

«Паэтычны слоўнік». 1979 г., 2-е выданне 1987 г.

«Хрэстаматыя беларускай літаратуры XX стагоддзя». Складанне вучэбнага дапаможніка для студэнтаў ВНУ (з С.Александровічам, А.Лойкам, 1971 г., 2-е выданне 1988 г., з А.Лойкам).

«Слядамі знічкі: Пра Сяргея Палуяна» (з Т.Кабржыцкай). 1990 г.

«Год беларуса». Складанне зборніка твораў Старога Ўласа. 1990 г.

«Марыя з палыном у канцы стагоддзя». Пераклад на беларускую мову рамана У.Яварыўскага. 1990 г.

Асабістыя старонкі сяброў СБП

Паказаць увесь спіс