Алесь (Аляксандр Аляксандравіч) Раткевіч

Раткевіч Аляксандр Аляксандравіч

Журналіст, краязнавец.

Алесь Раткевіч нарадзіўся 24 чэрвеня 1957 года ў мястэчку Краснае Маладзечанскага раёна. Цяпер жыве ў пасёлку Чысць на Маладзечаншчыне. 

Краязнаўствам зацікавіўся яшчэ з юнацтва. Двойчы абіраўся дэпутатам пассавета. Добраахвотны арганізатар і каардынатар прыктычных работ па рэстаўрацыі помнікаў, аднаўленні брацкіх магіл ахвяр вайны, усталяванні мемарыяльных дошак у вёсках Хаценшчыны з прозвішчамі загінулых у Другой сусветный вайне і падчас рэпрэсій, ушанаванні памяці земляка Пётры Сыча ў Лукаўцы (Батурыне).

Даўні аўтар "Рэгіянальнай газеты". Аўтар кніг "Невядомая гісторыя майго краю" (2018), "Па другі бок мяжы" (2019).