Сіўко Франц Іванавіч

Сіўко Франц Іванавіч

Сіўко Франц Іванавіч

Сіўко Франц Іванавіч

Сіўко Франц Іванавіч нарадзіўся 3 мая 1953 года ў в. Вята Міёрскага раёна. Дзіцячыя і юнацкія гады правёў у в. Міжрэчча. Вучыўся ў Міжрэчанскай пачатковай і Павяцкай сярэдняй школах. Вышэйшую адукацыю атрымаў на філалагічным факультэце Белдзяржуніверсітэта (1975).

3 1975 года па 1980 год выкладаў рускую мову і літаратуру, этыку, быў арганізатарам пазакласнай і пазашкольнай работы ў сярэдняй школе № 2 г. Верхнядзвінска. У 1980 годзе пераехаў на сталае жыццё ў Віцебск. Настаўнічаў у сярэдніх школах №№ 29, 30, 12, працаваў намеснікам дырэктара па вучэбна-выхаваўчай рабоце, у Бюро прапаганды мастацкай літаратуры Саюза пісьменнікаў Беларусі, у рэдакцыі газеты «Віцебскі рабочы». 3 1993 па 1999 год выкладаў беларускую мову ў Віцебскім дзяржаўным тэхналагічным універсітэце. У 1999-2009 гадах -- Старшыня Віцебскага абласнога аддзялення Саюза беларускіх пісьменнікаў. Пасля непрацягнення ў 2010 годзе кантракта на далейшую выкладчыцкую дзейнасць працаваў пры касцёле Езуса Міласэрнага, карэктарам у выдавецтве. Скончыў Летні ўніверсітэт польскай культуры ў Рыме. Уласны карэспандэнт каталіцкага часопіса "Аve Maria" па Віцебскай вобласці.

Празаік, публіцыст. Член Саюза беларускіх пісьменнікаў з 1993 года. 

Сталую літаратурную працу пачаў у 1983 годзе. Першую кнігу прозы «3 чым прыйдзеш» (1991) прысвяціў памяці маці Стэфаніі Іосіфаўны.

Лаўрэат літаратурнай прэміі імя У. Караткевіча.

Перакладаўся на балгарскую, рускую, асецінскую мовы.

Жыве ў Віцебску.

 

Бібліяграфія

«3 чым прыйдзеш». 1991

«Апошняе падарожжа ў краіну ліваў». 1997

«Удог». 2001

«Ягня ахвярнае». 2003

«Бялячык». 2003

«Асіметрыя». 2005

«Дзень Бубна». 2008

«Выспы». 2011

Асабістыя старонкі сяброў СБП

Паказаць увесь спіс