Сом Алена Уладзіміраўна

Нарадзілася 12 жніўня 1966 г. у Полацку — беларуская паэтэса, бард. Член Саюза беларускіх пісьменнікаў (1998).

Скончыла Віцебскі педагагічны інстытут. З 1989 года працуе настаўнікам у СШ № 5 г. Полацка. У 1999 годзе скончыла завочнае аддзяленне філалагічнага факультэта БДУ. Адна з кіраўнікоў полацкага літаратурнага аб’яднання «Наддзвінне» (2001—2005).

Удзельніца шматлікіх фестываляў бардаўскай песні. У 2000 годзе выдала касету аўтарскіх песень «Genius Loci». Аўтар цыклу фантастычных апавяданняў «Некалькі гісторый з жыцця Руніты Магі» (1993), аповесці «Суполка Вогнішча» (2001)

Жыве ў Полацку.

    «Блюз каралеўскай кухні» (1994)
    «Адзінокая зорка» (1996)
    «Там, на небе» (2000)
    «Свабода Слова Зіма» (2005)
    «Каралева прыйдзе ноччу» (2007)