Страшынская Ала Леанідаўна

Страшынская Ала Леанідаўна (Ала Клемянок) – нарадзілася 6 кастрычніка 1961 года ў г. Маладзечна, Мінскай вобласці. Закончыла сярэднюю школу № 3 г. Маладзечна, факультэт журналістыкі Беларускага дзяржаўнага універсітэта. Працавала на радыёзаводзе “Спадарожнік”, у дзіцячай бібліятэцы, карэспандэнтам шматтыражнай газеты «Приборостроитель» МЗСПВ, рэдактарам газеты Маладзечанскага гарсавета “Наш дзень”. З 1995 года жыве ў  г. Смаргоні Гродзенскай вобласці, працуе загадчыкам аддзела культуры, маралі і права мясцовай беларускай газеты “Светлы шлях”.

Друкавацца пачала з 1977 года ў мясцовай маладзечанскай газеце і ў рэспубліканскай прэсе. Вершы змяшчаліся ў часопісах “Маладосць”, “Полымя”, “Куфэрак Віленшчыны”,  штотыднёвіку “Літаратура і мастацтва”, сборніках паэзіі. Выдала дзве кніжкі вершаў: “Яны не ведалі мяне”  (Маладзечна, 1999 г.), “Бывай, Альба Рутэнія” ( Гродна, 2007 г.)