Надзея Ясмінска, Кацярына Дубовік. Чаму Меша не мае хаты?
Дата публікацыі: 27.08.2018
1394
Абедзве творцы ўжо вядомыя чытачам як вялікім, так і маленькім і атрымалі прызнанне экспертаў -- у розны час яны станавіліся лаўрэаткамі прэміі Цёткі ў галіне літаратуры для дзяцей. І вось -- новая цікавостка для дзетак ды іх бацькоў, чароўная гісторыя пра міфічнага і сімпатычнага персанажа.
Хто ж такi Меша? Яго можна назваць беларускiм бабайкам, бо некалi мамы i бабулi палохалi iм непаслухмяных дзяцей. Але адкуль у яго чорная поўсць, калючы нораў i, галоўнае, чаму Меша пакiнуў сваю цёплую печку i цяпер не мае хаты? Маленькiя i дарослыя слухачы могуць пра ўсё даведацца з казачнай гісторыі, якую раскажа і пакажа Надзея Ясмiнска.
