Навіны
У суботу 24 сакавіка ў Гродна пройдзе V Агульнанацыянальная дыктоўка “Гродна заўсёды з мовай!”. Дыктоўку правядзе Генадзь Бураўкін па вершы Ларысы Геніюш “Мы народ”. Па завяршэньні дыктоўкі наведнікаў чакае прэзентацыя кніг выдавецкай ініцыятывы “Гарадзенская бібліятэка” “Васіль Быкаў. Гарадзенскі архіў” і “Ларыса Геніюш. Лісты з Зэльвы”.
Прэзентацыя навуковага зборніка да 90-годдзя Веньяміна Блажэннага адбудзецца 29 сакавіка (чацвер) а 19-й на сядзібе Беларускага ПЭН-Цэнтра (вул. Залатая Горка, 2-101).
У новую кнігу паэзіі Анатоля Вярцінскага “Жыцьмем” ўвайшлі вершы 1997-2011 гг., якія, за некаторым выключэннем, не ўваходзілі ў асобныя выданні. Другі раздзел склалі малавядомыя паэмы 70-х гг. мінулага стагоддзя.
Ці ёсць Альгерд Бахарэвіч, чый новы раман “Шабаны” выходзіць сёння, палітуцекачом, чым зарабляе на жыццё, як ён атрымаў у твар ад абаронцаў Купалы, як выжыў у “Шабанах”, чаму збег ад аднаго выдаўца да іншага, якія ахвяры ён прыносіць літаратуры, калі пачаліся і калі скончацца цёмныя часы, хто першым чытае яго раманы і чаго нам чакаць ад новай кнігі? Адказы — у інтэрв’ю Альгерда Бахарэвіча для budzma.org.
Пабачыў свет дэбютны міні-альбом “B-52” — супольны праект электроншчыка Улада Бубна з беларускімі літаратарамі. Галасамі альбому сталі Вольга Гапеева, Таццяна Беланогая і Байсан (Алесь Плотка). Альбом можна паслухаць цалкам на нашым сайце.
21 сакавіка, у сусветны дзень паэзіі, нарадзіўся Францішак Багушэвіч (псеўданімы: Мацей Бурачок, Сымон Рэўка з-пад Барысава) — беларускі грамадскі дзеяч, паэт, празаік, публіцыст і перакладчык. Адзін з пачынальнікаў новай беларускай літаратуры, яе класік.
Дзяржаўны літаратурны музей Янкі Купалы ў рамках Года кнігі, Купалаўскага юбілейнага года працягвае грамадска-культурную акцыю «Чытаем Купалу разам».
У сусветны дзень паэзіі tut.by запрасіў на гутарку паэтаў Валерыю Куставу і Рагнеда Малахоўскага.
“Падчас першай эфірнай гадзіны мы вырашылі пагаварыць пра сёння і заўтра сучаснай беларускай паэзіі. Чым жывуць паэты? Якія тэмы ў сваіх вершах закранаюць? Чаго не хапае беларускім паэтам і паэзіі ў цэлым?” — паведамляецца ў анонсе.
Прыватную літаратурную прэмію “Залатая літара”, арганізатарам якой з’яўляецца Адам Глобус, у гэтым годзе атрымае вядомы мастацтвазнаўца Сяргей Харэўскі за кнігу «Сто твораў ХХ стагоддзя».
Ужо месяц, як на Тэлеграфе існуе рубрыка, прымеркаваная да Міжнароднага дня роднай мовы, удзельнікамі якога з'яўляюцца грамадзяне іншых краін, якія адмыслова і самастойна вывучылі беларускую мову. Сёння вашай увазе мы прапануем гутарку з чэшскай перакладчыцай, арнітолагам Святланай Уранавай (Světlana Vránová).
Абвешчаны кароткі спіс прэміі часопіса "Дзеяслоў" "Залаты апостраф". Прапануем вам паўдзельнічаць у інтэрнэт галасаванцы. Хто, на вашу думку, мусіць атрымаць прэмію у намінацыях "Паэзія", "Проза" і "Дэбют"?
У межах выдавецкай ініцыятывы «Гараденская бібліятэка» выйшлі кнігі: “Ларыса Геніюш. Лісты з Зэльвы. З эпісталярнай спадчыны (1964-1983)” і "Васіль Быкаў. Гарадзенскі архіў"
Некаторыя кажуць, што «беларуская мова – бедная мова. Потому что на беларускай мове нельзя сказать что-то великое». Абвергнуць гэтае спрэчнае сцвярджэнне актывісты «Дзедзіча» прапаноўваюць з дапамогай складання ТОП-100 празаічных твораў на беларускай мове. У межах кампаніі “Наша мова” Агенцтва рэгіянальнага развіцця “Дзедзіч” адкрывае галасаванне за выбар найлепшай прозы на беларускай мове.
У нядзелю закончыўся міжнародны Ляйпцыгскі кніжны кірмаш, дзе сёлета ў цэнтры ўвагі былі Польшча, Украіна і Беларусь. Эмацыйнай кульмінацыяй сталіся вечаровыя суботнія імпрэзы.
Мы шмат думаем, якой будзе Беларусь у будучым. Мы шмат гаворым, як было б добра, калі б усё памянялася. Але большасьць з нас дбае толькі пра тое, як перажыць сёньняшні дзень. А будучыня ёсьць цяпер. Яна будзе дакладна такой, якой будуць вашы дзеці. "Вашы дзеці" — адмысловая праграма штотыдзень у эфіры і на сайце Радыё Свабода.
Відэа з уручэння літаратурнай прэміі "Дэбют" імя Максіма Багдановіча 14 сакавіка 2012 г.
Вечарам 15 сакавіка у мінскай сядзібе Таварыства беларускай мовы імя Францішка Скарыны адбыўся другі этап агульнанацыянальнай дыктоўкі. Яна пісалася па хрэстаматыйным вершы Максіма Танка "Родная мова".
13 сакавіка ў беларускіх СМІ была апублікаваная запіска для службовага карыстання на імя старшыні Брэсцкага аблвыканкама К.А. Сумара, у якой "во исполнение поручений Главы государства, данных 24 февраля 2012 г. в ходе совещания по итогам проведения финала Национального телевизионного музыкального проекта “Еврофест”” ад імя першага намесніка кіраўніка адміністрацыі Прэзідэнта Рэспублікі Беларусь А.М. Радзькова патрабавалася: “принять конкретные меры по недопущению проведения руководителями государственных органов, иных организаций политики принудительной белорусификации и искусственного сокращения использования русского языка в их деятельности".
14 сакавіка ў мінскай галерэі «Ў» былі названыя і ўганараваныя лаўрэаты літаратурнай прэміі «Дэбют» у намінацыях пераклад, паэзія і проза.
13 сакавіка прайшло чарговае паседжанне Рады ГА “Саюз беларускіх пісьменнікаў”. На ім была заслухана справаздача старшыні ГА “Саюз беларускіх пісьменнікаў” Барыса Пятровіча аб дзейнасці СБП за перыяд пасля з’езду, інфармацыя аб працы рэгіянальных аддзяленняў ды інш.